Driv du med musikk, dans eller drama på fritida? Er du samstundes interessert i teoretiske fag? Då kan du slå saman interesse med skule og oppnå generell studiekompetanse.
Fyllingsdalen videregående skole tilbyr:
- Musikk, dans og drama på Vg1.
- Fordjuping i drama på Vg2 og Vg3.
Vi er åleine om å tilby fordjuping i drama i Hordaland.
Kvifor velje Musikk, dans og drama?
Det kan vere så enkelt som at du likar å spele skodespel. Men fordjuping i drama er også eit spanande og utfordrande tilbod, kor du både skal bruke dine kreative, skapande evner, og må sette deg inn i teoretiske fag. Det blir lagt vekt på di personlege utvikling.
Du vil lære om praktisk teaterarbeid, om teateret i historia og i dagens samfunn, men også om drama som pedagogisk metode. Fordjuping i drama gir deg ein kompetanse innan teater og media, pedagogikk og administrativt kulturarbeid. Samtidig får du generell studiekompetanse.
