Vi tilbyr Nettstudiet (studieførebuande, komprimert løp) til elevar som er for fysisk sjuke til å følgje vanleg opplæring på skolen. All undervisning er på nettet, men vi har sosiale fellessamlingar på skolen for dei som ønskjer. Vi underviser i dei faga du treng for å oppnå generell studiekompetanse etter 23/5-regelen.
23/5-regelen seier at du har generell studiekompetanse og kan søkje om høgare utdanning når du:
- Fyller 23 år eller meir det året du søkjer
- Har minst 5 år med arbeidspraksis og/eller utdanning
- Har karakterar i dei seks studiefaga, eksamenskarakter i norsk skriftleg og evt. trekkfag
Les meir om 23/5-regelen her hos Samordna opptak.
Faga vi tilbyr er:
- Norsk Vg1+ 2
- Norsk Vg3
- Matematikk 1P
- Matematikk 2P
- Historie
- Naturfag
- Samfunnsfag
- Engelsk
Programfag på Nettskulen
Nettstudiet ved Fyllingsdalen videregående skole er ein del av Tilrettelagt opplæring ved Nettskulen i Vestland fylkeskommune.
Nokre elevar vil kunne ta programfag på Nettskulen ved sida av Nettstudiet.
Undervisninga
Undervisninga skjer på nettet i digitale klasserom. Det er fellesundervisning for alle elevane i faget ein gong i veka.
Du får individuell rettleiing med faglæraren din ein gong i veka.
Skolen bruker Microsoft Teams som sin digitale læringsplattform. Vi gir deg den opplæringa du treng for å logge deg inn i det digitale klasserommet.
Du må jobbe ein del sjølvstendig, men faglæraren din følgjer deg tett. Kontaktlæraren din vil òg ha jamleg kontakt med deg digitalt, og om nødvendig vil de ha fysiske møte.
Karakterar
Du får termin- og standpunktkarakterar. Du må vere til stades og delta i fellesundervisninga og rettleiing for at lærarane skal kunna setje standpunktkarakterar.
Det året du fullfører norskfaget på Vg3, må du òg gå opp til eksamen i faget. I tillegg kan du bli trekt opp til eksamen i andre fag.
Fullføring
Om du blir betre i løpet av skuleåret og kan følgje ordinær undervisning, vil vi forsøke å finne plass til deg i ei av våre klasser. Dette føreset at det er ledig plass i den aktuelle klassa.
Om du er for sjuk til å fullføre eit fag, så har du rett til å halde fram med faget i inntil to år.
Opptak
Det er PPT (Pedagogisk-psykologisk teneste i Vestland fylkeskommune) som avgjer om du kan søkje på Nettstudiet.
- Du må sjølv gå inn på fylkeskommunen si nettside og lage ei tilvising til PPT. Bruk den grøne lenkja der det står «Tilvisning PPT».
- Om PPT meiner Nettstudiet er rett for deg, så skriv dei ein sakkunnig rapport der dei tilrår det.
- Når du har fått ein sakkunnig rapport, kan du søkje om inntak på individuelt grunnlag i Vigo. Du må søkje innan 1. februar i skuleåret før.
- Inntaksavdelinga i fylkeskommunen avgjer om du kjem inn på Nettstudiet. Dei sender beskjed til Fyllingsdalen vgs.
- Fyllingsdalen vgs tek kontakt med deg for å avtale startsamtale og informasjonsmøte i god tid før skolestart.
Om du har byrja på vanleg undervisning og får ein sakkunnig rapport frå PPT i løpet av 1. termin, kan du kontakte skolen før 1. januar. Dersom det er ledige plassar i einskilde fag kan du få plass på Nettstudiet i 2. termin.
Kontaktinformasjon til inntaksavdelinga i VLFK:
Tlf: 51 20 71 17 – kl. 12-14 (man-fred)
e-post: inntak@vlfk.no
Spør oss om tilbudet
Vi ser frem til at du tar kontakt med oss.
Trond Hovland Hvalbye
Avdelingsleiar Norsk og Samfunnsfag, lærar Norsk